Ընդհանուր նկարագիր

Տվյալ դասընթացը հասցեագրված է կազմակերպությունների ղեկավարներին եւ մոնիտորինգի ու գնահատման ոլորտներում ներգրավված աշխատակիցներին, որոնք ցանկանում են զարգացնել իրենց գիտելիքները եւ ունակությունները ծրագրերի մոնիտորինգի ու գնահատման ոլորտում:

Դասընթացի արդյունքում մասնակիցները

• կծանոթանան ծրագրի կառավարման ցիկլին և յուրաքանչյուր փուլում մոնիտորինգի ու գնահատման դերին,
• կտարբերակեն մոնիտորինգի և գնահատման տեսակները,
• կկարողանան մշակել մոնիտորինգի հարցերը և ցուցանիշները,
• կթվարկեն մոնիտորինգի և գնահատման ընթացքի քայլերը,
• ձեռք կբերեն գիտելիքներ մոնիտորինգի և գնահատման ընթացքում ինֆորմացիայի հավաքագրման մեթոդների կիրառման վերաբերյալ,
• կսովորեն մոնիտորինգի եւ գնահատման արդյունքների ներկայացման և օգտագործման ձևերի մասին,
• կհասկանան մոնիտորինգի եւ գնահատման տարբերությունները:

Դասընթացի թեմաները և մեթոդիկան

Դասընթացը ընդգրկում է հետևյալ թեմաները.

• Ծրագրի կառավարման ցիկլը և մոնիտորինգի և գնահատման դերը ցիկլի ընթացքում
• Մոնիտորինգի և գնահատման տարբերությունները
• Մոնիտորինգի անհրաժեշտությունը և կարևորությունը
• Մոնիտորինգի տեսակները
• Մոնիտորինգի ընթացքի քայլերը.
  • կատարողականության մոնիտորինգի պլանի մշակում
  • ելակետային տվյալների հավաքագրում և ամփոփում
  • ինֆորմացիայի հավաքագրում և ինֆորմացիայի հավաքագրման քանակական մեթոդները
  • ինֆորմացիայի հավաքագրման որակական մեթոդները
  • ինֆորմացիայի վերլուծություն
  • հաշվետվությունների պատրաստում
• Գնահատման անհրաժեշտությունը և կարևորությունը
• Գնահատման տեսակները
• Գնահատող հետազոտության քայլերը
  • գնահատման տեխնիկական առաջադրանք
  • գնահատման նպատակների սահմանում
  • գնահատման պլանի մշակում
  • գնահատման հարցերի որոշում և թիրախների ճշտում
  • գնահատման մեթոդաբանությունը
  • ինֆորմացիայի մուտքագրում և արդյունքների ներկայացում

Դասընթացի տևողությունը

Դասընթացի տևողությունն է 12 ժամ:

Դասընթացավար

Դասընթացը վարում է ՔԶՀՀ մոնիտորինգի ու գնահատման մասնագետ Դիանա Տեր-Ստեփանյանը, որը իրականացրել է մի քանի տասնյակ ծրագրերի մոնիտորինգի ու գնահատման աշխատանքներ և ունի ավելի քան երեք տարվա դասընթացավարի փորձ: