Ընդհանուր նկարագիր

Տվյալ դասընթացը հասցեագրված է հասարակական կազմակերպությունների ղեկավարներին և այն աշխատակիցներին, ովքեր ներգրավված են կազմակերպության հանրային կապերի ոլորտում եւ առնչվում են զանգվածային լրատվամիջոցների հետ:

Դասընթացի արդյունքում մասնակիցները

• ընդհանուր գիտելիքներ ձեռք կբերեն հասարակայնության հետ կապերի եւ դրա իրականացման գործիքների վերաբերյալ
• կհասկանան ԶԼՄ-ների հետ աշխատանքի առանձնահատկություններն ու առավելությունները
• կտարբերակեն ԶԼՄ-ների տեսակները և լրատվական ժանրերը ըստ դրանց առանձնահատկությունների
• կսովորեն լրագրողների հետ աշխատանքի կազմակերպման հիմնական սկզբունքները
• կկարողանան մշակել մամուլի հաղորդագրություն
• հարցազրույց տալու փորձ և հմտություններ ձեռք կբերեն
• մամուլի ասուլիսի կազմակերպման փորձ կունենան
• կիմանան ԶԼՄ-ների հետ աշխատանքին առնչվող որոշ օրենսդրական դրույթներ

Դասընթացի թեմաները և մեթոդները

Դասընթացը անդրադառնում է հետևյալ թեմաներին.

• Հասարակայնության հետ կապեր - PR. սահմանումը և իրականացման գործիքները
• PR ծրագրի նախապես մշակման անհրաժեշտությունը. ինչպե՞ս մշակել
• Լրատվամիջոցների հետ աշխատանքի կազմակերպում
• Լրատվության միջոցներն ու դրանց առանձնահատկությունները
• Լրատվական ժանրեր. ե՞րբ և ո՞ր ժանրով պետք է հրապարակել իրադարձությունը
• ԶԼՄ-ների և լրագրողների հետ աշխատանք
• Մամուլի հաղորդագրություն. կազմման հիմնական դրույթները
• Հարցազրույց տալու հմտությունները
• Մամուլի ասուլիսի կազմակերպման անհրաժեշտությունը և առանձնահատկությունները
• ՀԿ - ԶԼՄ հարաբերությունները կարգավորող օրենսդրություն

Դասընթացի ընթացքում մասնակիցներին տրվում են տպագիր նյութեր դասընթացի թեմաների համառոտ բովանդակությամբ և քննարկվող նյութերի կոնկրետ օրինակներ: Դասընթացի մեթոդները ներառում են սլայդերի ներկայացում, քննարկումներ, հարցուպատասխան, տարբեր թեմաներով գործնական առաջադրանքների կատարում, դրանց նկարահանում, դիտում եւ քննարկում:

Դասընթացի տևողությունը

Դասընթացի տևողությունն է 12 ժամ:

Դասընթացավար

Դասընթացը վարում է Հայկուհի Գևորգյանը, որը պետական եւ հասարակական սեկտորներում լրատվության պատասխանատուի եւ հասարակայնության հետ կապերի խորհրդատուի փորձառություն, ինչպես նաեւ այդ ոլորտում պետական ու հասարակական կազմակերպություններին դասընթացների ու խորհրդատվությունների տրամադրման բազմամյա փորձ ունի: