| Ընդհանուր նկարագիր
Ծրագրի կառավարման համակարգում արդյունավետ հաշվետվական համակարգը կարևոր նշանակություն է ստանձնում: Այն օգնում է հստակ գնահատական տալ կատարած աշխատանքին, օգուտ քաղել ստացած դասերից` հետագա գործունեությունը ճիշտ պլանավորելու համար, ինչպես նաև բարձրացնում է կազմակերպության աշխատանքի թափանցիկության և հաշվետվողականության մակարդակը: Տվյալ դասընթացը հասցեագրված է կազմակերպությունների այն աշխատակիցներին, որոնք ընդգրկված են ծրագրի իրականացման գործընթացում, պատասխանատու են ծրագրային հաշվետվության կազմման և ներկայացման համար և/կամ ցանկանում են զարգացնել իրենց գիտելիքները եւ ունակությունները ծրագրային հաշվետվության կազմման և ներկայացման ոլորտում:
Դասընթացի արդյունքում մասնակիցները - կծանոթանան ծրագրի տարբեր փուլերում ներկայացվող հաշվետվության տեսակներին
- կծանոթան ծրագրային հաշվետվության կազմման ընդհանուր սկզբունքներին և մոտեցումներին
- կբացահայտեն ծրագրային հաշվետվության կառուցվածքային տարրերը
- կթվարկեն ծրագրային հաշվետվության կազմման հիմնական փուլերը
- կիմանան հաշվետվության համար տեղեկատվության հավաքագրման և մշակման գործիքները
- կկարողանան աշխատել ծրագրային հաշվետվության ներկայացման և օգտագործման ձևերով
Դասընթացի թեմաները և մեթոդիկան
Դասընթացում ընդգրկված են հետևյալ թեմաները.
- ծրագրային հաշվետվության անհրաժեշտությունը
- ծրագրային հաշվետվության օգտագործումը ծրագրի կառավարման տարբեր փուլերում
- ծրագրային հաշվետվության հիմնական կառուցվածքային տարրերը
- տիտղոսաթերթ
- պլանավորված և իրականացրած գործունեություն
- դժվարություններ և լուծումներ
- ձեռքբերումներ
- հաջորդ հաշվետու ժամանակահատվածում նախատեսված գործողություններ
- մշակված/պատրաստված նյութեր և այլ հավելվածներ
- Ծրագրային հաշվետվության կազմման հիմնական փուլերը
- տեղեկատվության հավաքագրում
- տեղեկատվության մշակում
- տեղեկատվության ներկայացում հաշվետվության մեջ
- Ծրագրային հաշվետվության ներկայացման և օգտագործման մոտեցումները
Դասընթացը կիրականացվի ինտերակտիվ եղանակով, համադրելով ներկայացման, անհատական ու խմբային գործնական աշխատանքների, վարժությունների մեթոդները: Դասընթացի տևողությունը
Դասընթացի տևողությունն է 6 ժամ: Դասընթացավար
Դասընթացը վարում է ՔԶՀՀ մոնիտորինգի ու գնահատման մասնագետ Դիանա Տեր-Ստեփանյանը, որը բազմամյա փորձ ունի որպես մոնիտորինգի ու գնահատման մասնագետ, իրականացրել է մի քանի տասնյակ ծրագրերի մոնիտորինգի ու գնահատման աշխատանքներ, վերանայել է ծրագրային հարյուրավոր հաշվետվություններ: |
