| Ընդհանուր նկարագիր
Մարդկային ռեսուրսները հավանաբար կազմակերպության ամենաարժեքավոր ռեսուրսն են հանդիսանում: Եվ հենց մարդկային ռեսուրսների կառավարման արդյունավետությունից է հաճախ կախված, թե որքանով արդյունավետ է կազմակերպության աշխատանքը ընդհանրապես և որքանով է կազմակերպությունը հասնում նախանշված նպատակներին:
Տվյալ դասընթացը հասցեագրված է կազմակերպությունների ղեկավարներին և մարդկային ռեսուրսների կառավարման պատասխանատուներին, որոնք ցանկանում են բարելավել իրենց գիտելիքները մարդկային ռեսուրսների կառավարման բնագավառում, ձեռք բերել հմտություններ աշխատանքի ընդունման, աշխատանքային նկարագրերի մշակման, հաղորդակցության և այլ բնագավառներում:
Դասընթացի արդյունքում մասնակիցները
- կծանոթանան մարդկային ռեսուրսների կառավարման ոլորտի հիմնական հասկացություններին և բաղադրիչներին
- կկարողանան կազմել մարդկային ռեսուրսների կառավարման հետ առնչվող մի շարք փաստաթղթեր, մասնավորապես, աշխատանքի նկարագրեր, կատարողականության գնահատման ձևեր
- կբացահայտեն մարդկային ռեսուրսների արդյունավետ կառավարման մոտեցումներն ու գործիքները
Դասընթացի թեմաները և մեթոդիկան
Դասընթացում ընդգրկված են հետևյալ թեմաները.
- մարդկային ռեսուրսների կառավարման հիմունքները
- մարդկային ռեսուրսների կառավարման հասկացությունը և անհրաժեշտությունը
- կազմակերպական մշակույթը և մարդկային ռեսուրսների կառավարումը
- մարդկային ռեսուրսների կառավարման հիմնական սկզբունքները
- կազմակերպության կառուցվածքի նախագծում
- աշխատուժի պլանավորում
-
մարդկային ռեսուրսների կառավարման ընթացակարգերը
- աշխատանքի ընդունում
- աշխատանքային նկարագրեր
- մոտիվացիոն համակարգերի ստեղծում
- կատարողականության գնահատում
- ուսուցում և մասնագիտական աճի պլանավորում
- մարդկային ռեսուրսների կառավարման հիմնաքարերը
- լիդերություն
- որոշումների ընդունում
- կոնֆլիկտների կառավարում
- բանակցային հմտություններ
- հաղորդակցություն և տեղեկատվության փոխանակում
- ժամանակի կառավարում
- թիմային աշխատանք
Դասընթացի ընթացքում մասնակիցներին տրվում են տպագիր նյութեր դասընթացի թեմաների համառոտ բովանդակությամբ և քննարկվող նյութերի կոնկրետ օրինակներ: Դասընթացի մեթոդները ներառում են սլայդերի ներկայացում, քննարկումներ, հարցուպատասխան, տարբեր թեմաներով գործնական առաջադրանքների կատարում
Դասընթացի տևողությունը
Դասընթացի տևողությունն է 16 ժամ:
Դասընթացավար
Դասընթացը վարում է Տաթևիկ Մարգարյանը, որը հանդիսանում է ՔԶՀՀ կազմակերպական զարգացման և դասընթացների մասնագետը, տեսական գիտելիքներ և մեծածավալ փորձ ունի մարդկային ռեսուրսների կառավարման կարգերի և ընթացակարգերի մշակման ոլորտում, այդ բնագավառում իրականացրել է մի շարք խորհրդատվություններ առևտրային ու ոչ-առևտրային կազմակերպությունների համար: |
