Իր առաքելությանը հավատարիմ` ՔԶՀՀ-ն իրականացրել է բազմազան ծրագրեր և մատուցել բազմապիսի ծառայություններ: Վերջին շրջանում կազմակերպությունն իրականացրել է 10 ծրագիր, տրամադրել է շահերի պաշտպանության և ընտրությունների վերաբերյալ 77 դրամաշնորհային ծրագիր և 86 կրթաթոշակ: Բացի այդ, մենք տրամադրել ենք 136 դասընթաց և 51 խորհրդատվություն տեղական և միջազգային կազմակերպությունների համար, իրականացրել 5 վերլուծական հետազոտական ծրագիր և մատուցել այլ  ծառայություններ: Մեր դոնորներն ու հաճախորդներն են Քաունթերփարթ ինթերնեյշնլ կազմակերպությունը, Նորվեգիայի կառավարությունը, Հայաստանում ԱՄՆ դեսպանատունը, Հայ Կրթական Հիմնարկությունը, Ջինիշյան հիշատակի հիմնադրամը, ԱՄՆ Խաղաղության կորպուսը, Վորլդ վիժն կազմակերպությունը, ԵԱՀԿ երևանյան ներկայացուցչությունը, համայնքային ֆոնդերի WINGS գլոբալ հիմնադրամը և այլն:

Մենք համագործակցություն ենք հաստատել Հայաստանի հյուսիսային և հարավային մարզերում գործող նմանատիպ կազմակերպությունների հետ ինչը թույլ է տալիս ծածկել Հայաստանի ողջ տարածքը՝ միավորելով առկա գիտելիքներն ու փորձը, և ավելի արդյունավետ դարձնել մեր ծառայությունները և ծրագրերը։ Ավելին` կազմակերպությունը համագործակցում է տարբեր տեղական և միջազգային կազմակերպությունների, զարգացման գործակալությունների, պետական մարմինների և բիզնես կազմակերպությունների հետ` ընդլայնելով ծրագրերի և կապերի շրջանակը:

2009-ին ՔԶՀՀ-ին շնորհվեց Քաունթերփարթ ինթերնեյշնլի և ԱՄՆ ՄԶԳ հավաստագիրը` որպես կազմակերպչական և ֆինանսական կառավարման, դրամաշնորհների ղեկավարման և ծառայությունների մատուցման միջազգային ստանդարտներին համապատասխանող կազմակերպություն:

Իր գործունեությամբ ՔԶՀՀ-ն հաստատել է որ այն ունի կամք, փորձառություն և կարողություններ, ինչը թույլ կտա հասնել իր նպատակներին և լինել առաջատար կազմակերպություն՝ Հայաստանում քաղաքացիական հասարակության զարգացման ոլորտում: