Հիմնվելով իր կողմից իրականացված արտաքին և ներքին միջավայրերի վերլուծության վրա` ՔԶՀՀ-ն մշակել է 2009-2012թթ. ռազմավարությունը, որի իրականացումը կնպաստի ՔՀԿ-ների և ՔԶՀՀ-ի առաջնային խնդիրների լուծմանը: Հաշվի առնելով արտաքին միջավայրում տեղի ունեցած փոփոխությունները և կազմակերպության ներկայիս զարգացման էտապը` 2010 թ.-ի հունիսին ՔԶՀՀ-ի 2009-2012 թթ-ի ռազմավարությունը վերանայվեց և վերափոխվեց:

ՔԶՀՀ-ի 2009-2012 թթ-ի Ռազմավարական պլանը կարող եք գտնել այստեղ:

ՔԶՀՀ-ի առաքելությունը և տեսլականը հաշվի առնելով` ՔԶՀՀ-ի թիմը 2010-2012 թթ-ի Ռազմավարական պլանում առանձնացրել է ռազմավարական չորս նպատակներ`

• ՔՀԿ-ների ինստիտուցիոնալ զարգացում. ՔԶՀՀ-ն կշարունակի տեղական ոչ-առևտրային կազմակերպությունների և խմբերի ինստիտուցիոնալ կարողությունների զարգացմանն և ՔՀԿ-ների համար ֆինանսավորման աղբյուրների հայթայթմանն ուղղված  իր ջանքերը: 
• ՔՀԿ-ների միջավայրի բարելավում. ՔՀԿ-ների միջավայրի բարելավումն ու ՔՀԿ-ների հեղինակության բարձրացումը վերջին տարիներին դարձել են ՔԶՀՀ-ի գործունեության կարևորագույն ուղիները, և աշխատանքներն այս ոլորտում շարունակական բնույթ են կրելու:
• Արդյունավետ գործընկերություն. ՔԶՀՀ-ն կշարունակի համակցել իր ջանքերը առաջ մղելու միջոլորտային գործընկերությունը և ՔՀԿ-ների համագործակցությունը և' տեղական, և' տարածաշրջանային մասշտաբներով:
• ՔԶՀՀ-ի ինստիտուցիոնալ զարգացում. Միայն հզոր և կայուն կազմակերպություններն են ընդունակ որպես օրինակ ծառայել այլ ՔՀԿ-ներին և աջակցել նրանց, ուստի ՔԶՀՀ-ն շարունակաբար զարգացնում է  իր կազմակերպական կարողությունները և նպաստում իր մարդկային ռեսուրսների մասնագիտական աճին, մշակում և իրականացնում է նոր բարձրորակ ծառայություններ և ծրագրեր, ձեռք բերում նոր գործընկերներ և ամրապնդում իր հեղինակությունը: