| Ելնելով ՔԶՀՀ առաքելությունից և հաշվի առնելով կուտակած փորձը` ՔԶՀՀ դասընթացները ուղղված են հիմնականում քաղաքացիական հասարակության կառույցներին, սակայն դրանցից շատերը թեմաների լայն շրջանակներ են ընդգրկում և պահանջարկ ունեն նաև բիզնես կառույցների և անհատների շրջանում: Մինչ օրս մեր կողմից իրականացվել է մոտ 100 դասընթաց տարբեր ազմակերպությունների համար: Մեր դասընթացների պատվիրատուների և մասնակիցների թվում են Ջինիշյան հիշատակի հիմնադրամը, Վորլդ վիժնը, Եկեղեցիների համաշխարհային խորհրդի հայաստանյան կլոր սեղան հիմնադրամը, Արմավիրի զարգացման կենտրոնը, ԱՄՆ Կրթական զարգացման գործակալությունը (AED), ՀՀ փաստաբանների պալատը, Բրիտանական խորհուրդը և շատ ուրիշները: Ընդհանուր առմամբ ՔԶՀՀ դասընթացներին մասնակցել է մոտ 900 մարդ, ավելի քան 150 կազմակերպություններից: ՔԶՀՀ դասընթացները ընդգրկում են կազմակերպության ղեկավարման և կառավարման, մոնիտորինգի և գնահատման, ռազմավարական պլանավորման, շահերի պաշտպանության, ծրագրերի մշակմամ և իրականացման, ֆինանսական կայունության, մարդկային ռեսուրսների կառավարման և անձնային հմտությունների զարգացման ոլորտները: Դասընթացները իրականացվում են ինչպես բաց կարգով, այնպես էլ ըստ պատվերի՝ ելնելով պատվիրատուի կարիքներից և նախընտրած ժամանակահատվածից: Առկա դասընթացների նկարագրի հետ կարող եք ծանոթանալ ստորև, իսկ հարցերի դեպքում դիմեք ՔԶՀՀ Ծառայությունների համակարգող Տաթևիկ Մարգարյանին 586012, 586013 հեռախոսահամարով կամ tatevik@cdpf.am էլ. փոստով: |
