Ընդհանուր նկարագիր

Տվյալ դասընթացը հասցեագրված է հասարակական կազմակերպությունների ղեկավարներին և այն աշխատակիցներին/անդամներին, որոնք ներգրավված են կազմակերպության ռազմավարական պլանավորման, ղեկավարման եւ առաջնորդման գործընթացներում: Դասընթացը նախատեսված է տրամադրելու գործնական աջակցություն այն կազմակերպություններին, որոնք նախապատրաստվում են կամ գտնվում են Ռազմավարական պլանի (ՌՊ) մշակման կամ վերանայման փուլում:

Դասընթացի արդյունքում մասնակիցները.

• ձեռք կբերեն ռազմավարական պլանավորման գործընթացի և փուլերի վերաբերյալ համակարգված գիտելիքներ,
• ՌՊ իրականացման գործիքների վերաբերյալ պրակտիկ հմտություններ և փորձ կունենան,
• նոր հմտություններ ու նոր փորձ կկուտակեն ՌՊ գործընթացներ իրականացնելու համար:

Դասընթացի թեմաները և մեթոդները

Դասընթացը անդրադառնում է հետևյալ թեմաներին.

• Ռազմավարական պլան. օգուտներ և սահմանափակումներ
• Հեռանկարի սահմանում
• Ռազմավարական պլանավորման գործընթացը
• Գործընթացի պլանավորում
• ՌՊ գործընթացի պլանի մշակում
• Իրավիճակի վերլուծություն
• Ներքին և արտաքին միջավայրի վերլուծություն
• Ռազմավարական ուղղությունների և նպատակների սահմանում
• Ռազմավարության ընտրություն
• Ռազմավարական խնդիրների ձևակերպում
• ՌՊ ռեսուրսների գնահատում և պլանավորում
• Ռազմավարական պլանի համապարփակ փաստաթղթի մշակում և հաստատում
• ՌՊ վերահսկման պլանի մշակում
• Ռազմավարական պլանի իրականացում և վերանայում

Դասընթացի ընթացքում մասնակիցներին տրվում են տպագիր նյութեր դասընթացի թեմաների համառոտ բովանդակությամբ և քննարկվող նյութերի կոնկրետ օրինակներ: Դասընթացի մեթոդները ներառում են սլայդերի ներկայացում, քննարկումներ, հարցուպատասխան, գործնական առաջադրանքների կատարում:

Դասընթացի տևողությունը

Դասընթացի տևողությունն է 12 ժամ:

Դասընթացավար

Դասընթացը վարում է Քրիստինե Սարգսյանը, որը մոտ 10 տարվա աշխատանքային փորձ ունի կազմակերպական զարգացման ոլորտում: Նա դասընթացներ և խորհրդատվություններ է մատուցել հասարակական, պետական և առևտրային տարբեր կազմակերպությունների:

Արձագանքներ դասընթացի մասին

“Ինձ այս դասընթացը հնարավորություն կտա վերանայել  մեր ռազմավարական պլանը, ինչպես նաև աշխատել  կազմակերպության թույլ  կողմերի զարգացման վրա”:

- Ալիսա Գալստյան, կամավոր, “ԸԻԿ” Սիսիան մասնաճյուղ