Պաշտոն` Հանրային կապերի մասնագետ

Դրույք` Ամբողջ

Սկիզբ` Փետրվար 2012թ.

Վայր` Երևան, Հայաստան

Ընդհանուր նկարագիր

Ներկայումս ՔԶՀՀ-ն փնտրում է Հանրային կապերի մասնագետի, ով պատասխանատու է լինելու ՔԶՀՀ-ի հանրային կապերին առնչվող բոլոր գործողությունների պլանավորման, զարգացման և իրականացման համար, ներառյալ հանրային կապերի գործիքների մշակում, հանրային կապերի և միջոցառումների համակարգում, մամուլի հետ հարաբերությունների հաստատում և այլն:

Հիմնական պարտականություններ

• Մշակել և պարբերաբար թարմացնել ՔԶՀՀ-ի հանրային կապերին առնչվող քաղաքականություններն ու ընթացակարգերը , այդ թվում հանրային կապերի պլանի մշակում,
• Նախագծել և խմբագրել կազմակերպության աուդիո-վիզուալ և այլ գովազդային նյութերը, ներառյալ ամսագրեր, այցեքարտեր, հաջողված պատմություններ, ելույթներ, գրիչներ, գրքույկներ, հոդվածներ և տարեկան զեկույցներ,
•  Հետևել թարմացնել ՔԶՀՀ-ի կայքերում զետեղված տեղեկատվությունը,
• Պլանավորել, կազմակերպել և համակարգել Քաղաքացիական հասարակության օրվա միջոցառումները,
• Պլանավորել և կազմակերպել հանրային մասնակցության միջոցառումներ, ներառյալ մամուլի ասուլիսներ, ցուցադրություններ, ծրագրերի շնորհանդեսներ և այլն,
• Ապահովել ՔԶՀՀ-ի ներկայություն և պարբերաբար թարմացնել ՔԶՀՀ-ի մասին տեղեկատվությունը էլեկտրոնային լրատվամիջոցներում և սոցիալական ցանցերում (Facebook, Twitter, YouTube, Picassa, Linked-In, Civil.am, և այլն),
• Պահպանել արտաքին կապը, մասնավորապես ԶԼՄ-ների հետ, ներառյալ մամլո հաղորդագրությունների մշակում և տարածում,
• Իրականացնել ՔԶՀՀ-ի ծրագրերում նախատեսված հանրային կապերին առնչվող գործառույթներ,
• Ներկայացնել հաշվետվություններ ՔԶՀՀ-ի ընթացակարգերի համաձայն.

• Անհրաժեշտության դեպքում աջակցել ՔԶՀՀ ծրագրերի իրականացմանը,
• Անհրաժեշտության դեպքում տրամադրել ՔԶՀՀ-ի յուրահատուկ ծառայություններ,
• Ղեկավարի հանձնարարությամբ կատարել այլ առաջադրանքներ:

• Բարձրագույն կրթություն համապատասխան ոլորտում,
• Առնվազն երկու տարվա աշխատանքային փորձ հանրային կապերի և դրան առնչվող ոլորտներում,
• Գերազանց կազմակերպչական ունակություններ. պլանավորման, հանձնարարությունների տրման ու համակարգման ունակություն
• Գերազանց միջանձնային ունակություններ, այդ թվում` համբերատարություն, տակտի զգացում, լսելու պատրաստակամություն և հարգանք գործընկերների նկատմամբ,
• Պատրաստակամություն մասնակցել մասնագիտական վերապատրաստման դասընթացների և ինքնակրթության գործընթացին,
•  Համակարգչային հմտություններ (MS Office & Internet)
• Հայերեն, ռուսերեն, անգլերեն լեզուների գերազանց իմացություն,
• Ամբողջ երկրի տարածքում ճամփորդելու պատրաստակամություն (ժամանակի մինչև 30%):
• Ծանրաբեռնված պայմաններում աշխատելու կարողություն
• Լրացուցիչ պարտականությունների ու արտահերթ աշխատանքի իրականացման պատրաստակամություն:

Դիմելու կարգ 

Մրցույթին մասնակցելու համար անհրաժեշտ է ուղարկել ինքնակենսագրականը (CV/Resume) և հետաքրքրության նամակը (Cover Letter) cdpf@cdpf.am   էլեկտրոնային հասցեով:

Դիմումների ընդունման վերջնաժամկետ

Դիմումների ընդունման վերջնաժամկետն է 2012թ. փետրվարի 15-ը. ժ. 15:00-ը:

ՀԱՅ ՁՄԵՌ ՊԱՊ-2012

"Մոսկվա" կինոթատրոն

Հունվարի 30-ին, ժ. 18:00-ին        

"Հայ Ձմեռ պապ" բարեգործական հիմնադրամը (www.haysanta.am), համագործակցությամբ "Հետք", "Առավոտ", "168 ժամ", "ՄեդիաԼաբ" և "ArmRegions" պարբերականների, ներկայացնում է "Հայ Ձմեռ պապ-2012" լրագրողական-բարեգործական ֆիլմը:      

Ֆիլմը 12 մասից բաղկացած վավերագրություն է: Սյուժեներից 8-ը սոցիալական ակնարկներ են ՀՀ և ԼՂՀ` հիմնականում սահմանամերձ, լքվող գյուղերում ապրող ընտանիքների մասին: Մյուս 4-ը հաշվետվություններ են, որոնցում "Հայ Ձմեռ պապ"-ը ներկայացնում է նախորդ տարվա ընտանիքների հետ կատարված աշխատանքի արդյունքները:      

"Հայ Ձմեռ պապ"-ին և գործընկերներին միացել են նաև հայկական մի քանի հեռուստաալիքներ, սոցիալական ցանցեր, բլոգներ: Այսպիսով քայլ է արվել մեդիա բազմազանության կիրառությամբ ներհասարակական գործուն արձագանք արթնացնելու ուղղությամբ:     

Քաղաքացիական նախաձեռնություններ, բարեգործական ֆուտբոլ, կամավորական մշակույթ. այս և այլևայլ ուրիշ թեմաներ` "Հայ Ձմեռ պապ-2012" ֆիլմում: Մուտքն ազատ է:      

Ֆիլմն ստեղծվել է Շվեդիայի միջազգային զարգացման և համագործակցության գործակալության (SIDA) և "Եվրասիա համագործակցություն" հիմնադրամի աջակցությամբ:   

ԲԱՐԵԳՈՐԾՈՒԹՅՈՒՆԸ ՄԵԾԱՀՈԳՈՒԹՅՈՒՆ ՉԷ. ԱՅՆ ԲՈԼՈՐԻՍ ՊԱՐՏԱԿԱՆՈՒԹՅՈՒՆՆ Է:

"ՏԻՄ-երի կարողությունների զարգացում"  ծրագրի շրջանակներում իրականացվող սույն մրցույթ-հրավերի նպատակն է բացահայտել և հավաքագրել տեղական ինքնակառավարման (ՏԻՄ) ոլորտի փորձագետների, որոնք ունեն մասնագիտական փորձառություն և/կամ դասընթաց վարելու փորձ:

ՏԻՄ գործառութային ոլորտներից, օրինակ.

• ՏԻՄ-ի օրենսդրություն,
• Ռազմավարական պլանավորում և առաջնորդություն,
• Ծառայությունների մատուցում,
• ԶԼՄ-ների և ընտրազանգվածի հետ կապեր (PR),
• Ֆինանսական պլանավորում,
• Վարչական կառավարում,
• Մասնակցային և թափանցիկ կառավարում:

Սույն մրցույթն իրականացվում է "Գործընկերություն և ուսուցում" /ԳՈՒՄ/ ՀԿ-ի կողմից` Քաղաքացիական զարգացման և համագործակցության հիմնադրամ /ՔԶՀՀ/-ի և "ՀԿ Կենտրոն Հյուսիս"  "Քաղաքացիական հասարակության զարգացման կազմակերպություն” ՀԿ-ի հետ համատեղ:

"ՏԻՄ-երի կարողությունների զարգացում" ծրագիրն իրականացվում է Քաղաքացիական հասարակության և տեղական ինքնակառավարման աջակցության (ՔՀՏԻԱ) քառամյա ծրագրի շրջանակներում, որը ֆինանսավորվում է ԱՄՆ միջազգային զարգացման գործակալության կողմից:

Սույն մրցույթի արդյունքում կձևավորվի փորձագետ-դասընթացավարների (ինչպես օրինակ` համայնքային իրավաբանների, ֆինանսիստների, հասարակայնության հետ կապերի մասնագետների, կադրերի պատասխանատուների և այլոց) երեք խումբ` Հայաստանի հյուսիսային, կենտրոնական և հարավային հատվածներում: Նրանց համար կանցկացվեն դասընթացավարների վերապատրաստում (ToT) և կողմնորոշիչ դասընթացներ (ս/թ. մարտ ամսին)` իրենց մասնագիտություններին համապատասխան: Ակնկալվում է, որ վերը նշված դասընթացներն անցնելուց հետո այդ փորձագետ-դասընթացավարները դասընթացներ կվարեն ՏԻՄ-երի ներկայացուցիչների համար այս ծրագրի երկրորդ փուլի ժամանակ (2012թ.-ի հոկտեմբեր -- 2013թ.-ի սեպտեմբեր):

Փորձագետ-դասընթացավարների ընտրության ընթացքում հաշվի կառնվեն հետևյալ չափորոշիչները.

• ՏԻՄ համակարգի և գործառույթների իմացությունը,
• դիմորդի փորձը համայնքային ծառայությունների և նմանատիպ այլ նախաձեռնությունների իրականացման ոլորտում,
• դիմորդի ոլորտային փորձառությունը, ինչպես օրինակ` համայնքային իրավաբանների, ֆինանսիստների, հասարակայնության հետ կապերի մասնագետների, կադրերի պատասխանատուների և այլոց,
• դիմորդի դասընթաց վարելու փորձը խրախուսվում է:

Բոլոր հետաքրքրված անձանց խնդրում ենք մինչև ս.թ. փետրվարի 6-ը, ժամը 17:00 լրացնել դիմում-հայտի ձևաչափը և ուղարկել էլ. հասցեով կամ հանձնել հետևյալ կազմակերպություններին.

• Հայաստանի հարավային մարզեր (Սյունիք, Վայոց Ձոր)` "Գործընկերություն և ուսուցում" ՀԿ-ի գրասենյակ ՀՀ Սյունիքի մարզ, ք. Գորիս, 3201 Խորենացի 41 հասցեով, էլ. հասցե`gumiso@gumiso.am, հեռ.` (0284) 22319, 22317   
• Հայաստանի կենտրոնական մարզեր (Արարատ, Արագածոտն, Գեղարքունիք, Կոտայք, Արմավիր) և քաղաք Երևան՝ ՔԶՀՀ-ի գրասենյակ  ՀՀ, ք. Երևան, 0019, Պռոշյան 11/5 հասցեով, էլ. հասցե` cdpf@cdpf.am, հեռ.`(010) 586012, 586013,  
• Հայաստանի հյուսիսային մարզեր (Տավուշ, Լոռի, Շիրակ)՝ ՀԿ կենտրոն-ի գրասենյակ,  ՀՀ, ք. Վանաձոր, Գարեգին Նժդեհ 14 հասցեով , էլ. հասցե` ngoc@ngoc.am, հեռ.` (0322) 43315:

Միայն մրցույթ-հրավերի պահանջներին համապատասխանող թեկնածուները կտեղեկացվեն և հրավիրվեն հարցազրույցի: Մասնակիցների վերջնական ընտրությունը կկայացվի մինչև ս/թ. փետրվարի 15-ը:

Ծրագրի ընթացքի և մանրամասների համար կարող եք դիմել "ՏԻՄ-երի կարողությունների զարգացում" ծրագրի ղեկավար՝ Աննա Ավետիսյանին, էլ. փոստ՝ anna@gumiso.am, annagor12@yahoo.com, հեռախոս՝ (0284) 22317, 22319, բջջ. 094 195524:

Հայտարարության ամբողջական տեքսը կարող եք տեսնել ԱՅՍՏԵՂ:

Կանխավ շնորհակալ ենք համագործակցության համար:

1. Ամերիկայի Հայ Օգնության Ֆոնդի հայաստանյան ներկայացուցչությունը հայտարարում է Տեղեկատվության և կապի մասնագետի թափուր աշխատատեղի մրցույթ: Մրցույթի մանրամասներին  կարող եք ծանոթանալ ԱՅՍՏԵՂ:

2. Երևանում Մեծ Բրիտանիայի դեսպանատան Արտաքին գործերի և համագործակցության գրասենյակը հրավիրում է ծրագրային դիմում-հայտեր ներկայացնել Կոնֆլիկտների բազա ծրագրի մրցույթի համար Կովկասում և Կենտրոնական Ասիայում, սկսած 2012թ-ի ապրիլի 1-ից: Ծրագրի մանրամասներին ծանոթանալ հետևյալ հղումով` http://ukinarmenia.fco.gov.uk/en/about-us/working-with-armenia/embassy-projects/conflict-bid-12.

1. Բաց հասարակության հիմնադրամներ-Հայաստանը ի աջակցություն լրատվամիջոցներին, լրատվամիջոցների խնդիրները բարձրացնող և այդ խնդիրներով զբաղվող կազմակերպությունների, առցանց լրատվամիջոցների, անցկացնում է մրցույթ լրատվամիջոցների դաշտում նոր կազմակերպությունների հայտնաբերման և հզորացման նպատակով:

Հայտերի ընդունման վերջնաժամկետն է 2012 թ. փետրվարի 22-ը, ժամը 17.00: Իսկ, փետրվարի 8-ին ժ. 15.00-ին, Կոնգրես հյուրանոցի Միացյալ դահլիճում կկազմակերպվի տվյալ մրցույթի հետ կապված պարզաբանող հանդիպում/սեմինար:

Մրցույթի մանրամասներին կարող եք ծանոթանալ հետևյալ հղումով` http://www.osi.am/announcements.asp.

2. Սկոլ հիմնադրամը հայտարարում է 2013 թ-ի սոցիալական ձեռնակատիրության համար դիմում-հայտերի ընդունում. Սկոլ մրցանակը տրվում է ամեն տարի այն կազմակերպություններին, որոնք զբաղվում են սոցիալական ձեռնակատիրությամբ և որոնք լուծում են աշխարհի առավել արդիական, հրատապ խնդիրները: Մրցանակը տրվում է որպես հիմնական դրամաշնորհային աջակցություն 3 տարի ժամկետով, ի հավելումն սոցիալական ձեռնակատիրությանը տրվող անկանխիկ պարգևից, որը ներկայացվում է ամեն գարուն Սկոլ աշխարհի ֆորումի ժամանակ:

Այս դրամաշնորհային հնարավորությանը դիմելու համար կազմակերպությունները առաջին հերթին պետք է իրենց իրավասությունը ստուգեն Սկոլ հիմնադրամի կայքում: Եթե հայտատուն համապատասխանում է, ապա նոր միայն կարող է լրացնել առցանց դիմումը:

Հայտերը ներկայացնելու վերջնաժամկետը 2012 թ.-ի մարտի 1-ն է: