Civic Development & Partnership Foundation  
Էլ. փոստ 
Գաղտնաբառ  
Գրանցվել 
Կորպորատիվ սոցիալական պատասխանատվություն և բիզնես էթիկա

 Ընդհանուր նկարագիր

Թեպետ չլինելով նորություն աշխարհի զարգացած հատվածում՝ կորպորատիվ սոցիալական պատասխանատվության (ԿՍՊ) և էթիկական առաջնորդության գաղափարներն առաջին քայլերն են անում զարգացող երկրներում լայն տարածում ձեռքբերելու ուղղությամբ, և Հայաստանն այդ առումով բացառություն չէ: Այսօր Հայաստանում սակավաթիվ են այն մարդիկ, որոնք կկարողանան բացատրել, թե ինչ է նշանակում լինել կորպորատիվ լավ քաղաքացի, ինչը բավականին հաճախ շփոթվում է բարեգործությամբ զբաղվելու հետ: Ակնհայտ է, որ առևտրային ցանկացած կառույցի հիմնական նպատակը շահույթի ստացումն ու դրա ծավալների մեծացումն է, սակայն ներկայիս համաշխարհային տենդենցը վկայում է այն մասին, որ միայն դա չէ ընկերությունների գոյության և երկարաժամկետ հաջողության որոշիչ գործոնը: Բիզնես ոլորտի շատ և շատ ներկայացուցիչներ գիտակցում են, որ նրանք չեն գործում մեկուսացման մեջ. շարունակական շփումը տարատեսակ շահագրգիռ կողմերի հետ չափազանց կարևոր է՝ լրջորեն անդրադառնալով շրջակա միջավայրի, բնակչության տնտեսապես խոցելի շերտերի և ընդհանուր առմամբ հասարակության խնդիրներին:

Հետևաբար, վերոնշյալի լույսի ներքո մեծ նշանակություն է ձեռքբերում տեղական ղեկավարների էթիկական գիտակցության և բարեխղճության չափանիշների բարձրացումը, որպեսզի նրանք կարողանան հաջողության հասնել այսօրվա մրցակցային և խստապահանջ կորպորատիվ աշխարհում: Մտապահելով այս հանգամանքը՝ տվյալ դասընթացը նպատակ ունի լսարանին ծանոթացնել կորպորատիվ սոցիալական պատասխանատվության և բիզնես էթիկայի տեսական շրջանակի հետ, անդրադառնալ դրա գործնական կիրառությանն առնչվող հարցերին և ուսումնասիրել օգուտներն ու սահմանափակումները հասարակության համար:

...
ավելին
Լավագույն փորձի հետքերով և ՔՀԿ-ների իրավական միջավայրի գնահատում քննարկումներին մասնակցելու հրավեր

Թրանսփարենսի Ինթերնեշնլ հակակոռուպցիոն կենտրոն ՀԿ-ն Քաղաքացիական զարգացման և համագործակցության հիմնադրամի, Ժուռնալիստների «Ասպարեզ» ակումբի, Հետաքննող լրագրողներ հասարակական կազմակերպության, Բազելի կառավարման ինստիտուտի և Ոչ առևտրային իրավունքի եվրոպական կենտրոնի հետ համատեղ ԱՄՆ ՄԶԳ-ի աջակցությամբ իրականացնում է «Թափանցիկ և հաշվետու կառավարման խթանում` քաղաքացիական հասարակության մասնակցության միջոցով» ծրագիրը:

...
ավելին
Կամավորների ներգրավումը ՀԿ գործունեության մեջ ներածական դասընթաց

Քաղաքացիական զարգացման և համագործակցության հիմնադրամը հրավիրում է մասնակցել

Կամավորների ներգրավումը ՀԿ գործունեության մեջ
ներածական դասընթացին:

...
ավելին
Արխիվ

Նորությունները էլ. փոստով
Սկիզբ - Նորություններ English
Ինտերնետային նոր ռեսուրսների շնորհանդես

2009թ. դեկտեմբերի 15-ին “Կոնգրես” հյուրանոցի մեծ շքասրահում տեղի ունեցավ երկու նոր ինտերնետային ռեսուրսների` Ազգային Ժողովի քվեարկությունների արդյունքների և Շահերի պաշտպանության ռեսուրս կենտրոնի վեբկայքերի շնորհանդես, որը կազմակերպվել էր Քաղաքացիական զարգացման և համագործակցության հիմնադրամի կողմից:

Շնորհանդեսը բացեց ՔԶՀՀ տնօրեն Ժիրայր Էդիլյանը, որից հետո իր ողջույնի խոսքն ասեց ԵԱՀԿ երևանյան գրասենյակի ղեկավարի տեղակալ Կարել Հոֆստրան: Շնորհանդեսի ընթացքում ներկայացվեցին կայքերի նպատակները, կառուցվածքը և օգտագործման հնարավոր եղանակները:

Մասնավորապես, Ազգային Ժողովի (ԱԺ) քվեարկությունների արդյունքների կայքի (nav.cdpf.am) հիմնական նպատակն է ապահովել ԱԺ քվեարկությունների արդյունքների հասանելիությունը հասարակության բոլոր խավերի համար` հնարավորություն տալով պարզ, համապարփակ համակարգի միջոցով որոնել և ծանոթանալ որևէ օրինագծի կամ որևէ պատգամավորի, խմբակցության, կուսակցության քվեարկությունների վիճակագրությանը: Այս տվյալները կարող են օգտագործել թե անհատները և թե կազմակերպությունները` իրենց կողմից ընտրված պաշտոնյաների աշխատանքները վերահսկելու, օրենսդրական փոփոխությունների և նախընտրական խոստումների համապատասխանությունը ստուգելու, ինչպես նաև լոբինգ իրականացնելու համար:

Շահերի պաշտպանության ռեսուրս կենտրոնի կայքը (www.arc.am) օժանդակող դեր է իրականացնում շահերի պաշտպանության ռեսուրս կենտրոնի գործունեության մեջ` հնարավորություն տալով շահերի պաշտպանության ոլորտում ընդգրկված կազմակերպություններին ծանոթանալ ոլորտի նորություններին, օգտվել ուսումնական նյութերից, ինֆորմացիա տեղադրել իրենց և իրենց նախաձեռնությունների մասին, ֆորումների միջոցով մասնակցել թեմատիկ քննարկումներին, կապ հաստատել տեղական և եվրոպական քաղաքացիական հասարակության կառույցների հետ:

Կայքերի ներկայացումից հետո մասնակիցները պարզաբանող հարցեր ուղղեցին ներկայացնողներին:

Շնորհանդեսին մասնակցեցին տեղական քաղաքացիական հասարակության կազմակերպությունների, ԶԼՄ-ների, Ազգային Ժողովի, դեսպանատների, միջազգային կազմակերպությունների և զարգացման գործակալությունների ավելի քան 50 ներկայացուցիչներ:

Այս մասին այլ կայքերում

http://www.a1plus.am/am/social/2009/12/15/site

http://panorama.am/am/society/2009/12/15/internet-presentation/

http://slaq.am/am/news/4325.htm

http://telecom.arka.am/rus/amnet/2009/12/15/3169.html

Գնալ վերև  Գնալ վերև | Գնալ դեպի հետ
Արդյո՞ք Հայաստանում Կամավորության մասին օրենքի ընդունման կարիք կա:
 
Այո
Ոչ

Մեր հասցեն՝ 

Հայաստան, Երևան 0025, 

Չարենցի փող., 1 շենք,

2-րդ հարկ, 208 սենյակ

Հեռախոս/Ֆաքս՝ 

 +374 10 576670

Էլ. փոստ՝

 cdpf@cdpf.am

Մեր մասին  |  Ծրագրեր  |  Ծառայություններ  |  Գրադարան  |  Ցուցասրահ  |  Համագործակցություն  |  Հետադարձ կապ  | 
Անդամակիցների տարածք  |  ՔՀԿ համայնք  |  Աջակցեք ՔԶՀՀ առաքելությանը
Copyright © CDPF, 2018
Developed by Smart Systems LLC
 

Սույն կայքը հնարավոր է դառձել իրականացնել Քաունթերփարթ ինթերնեշնլի Քաղաքացիական շահերի պաշտպանության աջակցության ծրագրի և Ամերիկյան Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության No 111-A-00-04-00056-00 համագործակցության պայմանագրի շրջանակներում: Սույն բովանդակությունը, արտահայտված տեսակետերը և կարծիքները պատկանում են Քաղաքացիական զարգացման և համագործակցության հիմնադրամին և հնարավոր է չհամընկնեն Քաունթերփարթ ինթերնեշնլի, ԱՄՆ Միջազգային զարգացման գործակալության կամ ԱՄՆ կառավարության տեսակետերի հետ: