Քաղաքացիական զարգացման և համագործակցության հիմնադրամը (ՔԶՀՀ)

հրավիրում է ձեզ մասնակցել

Ծրագրերի մոնիտորինգ և գնահատում

դասընթացին

Դասընթացի նկարագիրը

Ծրագրերի մոնիտորինգը և գնահատումը հանդիսանում է ծրագրերի պլանավորման, իրականացման և կառավարման անբաժանելի մասը: Տվյալ դասընթացը հասցեագրված է կազմակերպությունների ղեկավարներին եւ մոնիտորինգի ու գնահատման ոլորտներում ներգրավված աշխատակիցներին, ինչպես նաև այն անհատներին, որոնք ցանկանում են զարգացնել իրենց գիտելիքները եւ ունակությունները ծրագրի մոնիտորինգի ու գնահատման բնագավառում:

Դասընթացի արդյունքում մասնակիցները.

-         կծանոթանան ծրագրի կառավարման ցիկլին և յուրաքանչյուր փուլում մոնիտորինգի ու գնահատման դերին,

-         կտարբերակեն մոնիտորինգի և գնահատման տեսակները,

-         կկարողանան մշակել մոնիտորինգի հարցերը և ցուցանիշները,

-         կթվարկեն մոնիտորինգի և գնահատման ընթացքի քայլերը,

-         կծանոթանան մոնիտորինգի և գնահատման ընթացքում կիրառվող` ինֆորմացիայի հավաքագրման մեթոդներին,  

-         կհասկանան մոնիտորինգի եւ գնահատման տարբերությունները:

Դասընթացը իրականացվում է ինտերակտիվ մոտեցմամբ` դասավանդման տարբեր մեթոդների համակցությամբ (մտագրոհ, ներկայացում, քննարկումներ, գործնական վարժություններ):

Դասընթացը վարում է ՔԶՀՀ մոնիտորինգի ու գնահատման մասնագետ Դիանա Տեր-Ստեփանյանը, որը բազմամյա փորձ ունի որպես մոնիտորինգի ու գնահատման մասնագետ, իրականացրել է մի քանի տասնյակ ծրագրերի մոնիտորինգի ու գնահատման աշխատանքներ, այդ ոլորտում վարել է դասընթացներ և խորհրդատվություններ:

Դասընթացը հաջողությամբ ավարտած (առնվազն դասընթացի 80%-ին մասնակցած) անձանց կտրամադրվեն  մասնակցության հավաստագրեր:

Տևողությունը և վայրը

Դասընթացի տևողությունն է երեք օր, օրական 3 ժամ: Դասընթացը տեղի կունենա մարտի 2-3-4-ին, ժամը 14.00-17.30, Քաղաքացիական զարգացման եւ համագործակցության հիմնադրամի (ՔԶՀՀ) գրասենյակում, Ջրաշատի 35 հասցեով:

Մասնակցության արժեքը

Շահերի պաշտպանության ռեսուրս կենտրոնի անդամ կազմակերպությունների համար դասընթացը ԱՆՎՃԱՐ է: Մեկ կազմակերպությունից անվճար կարող են մասնակցել առավելագույնը երկու ներկայացուցիչ:

Մյուս կազմակերպությունների ներկայացուցիչների համար մասնակցության արժեքը մեկ հոգու համար 25300 դրամ է` առանց ԱԱՀ-ի (30360 դրամ ԱԱՀ-ով): Գինը ներառում է բաժանվող նյութերը, սուրճի ընդմիջումները:

Ուշադրություն. առաջին հինգ գրանցվողները կստանան 5% զեղչ: Նույն կազմակերպությունից դասընթացին մեկից ավելի անձանց մասնակցության դեպքում նախատեսված է զեղչ` 10 տոկոսի չափով յուրաքաչյուր հաջորդ մասնակցի համար:

Գրանցման կարգը

Դասընթացին գրանցվելու համար խնդրում ենք լրացնել գրանցման ձևը և ուղարկել էլեկտրոնային փոստով` tatevik@cdpf.am հասցեով, կամ ներկայացնել ՔԶՀՀ գրասենյակ` Երևան, Ջրաշատ 35 հասցեով մինչև փետրվարի 26-ը: Հարցերի դեպքում դիմեք ՔԶՀՀ կազմակերպական զարգացման եւ դասընթացների մասնագետ Տաթևիկ Մարգարյանին: