Քաղաքացիական զարգացման և գործընկերության հիմնադրամը (ՔԶՀՀ)` Պրոֆեսիոնալներ հանուն քաղաքացիական հասարակության ՀԿ-ի, Գործընկերություն և ուսուցում ՀԿ-ի, ՀԿ կենտրոնի, Արմավիրի զարգացման կենտրոնի և Մարտունու կանանց համայնքային խորհուրդ ՀԿ-ի հետ համատեղ, Հայաստանում Խաղաղության կորպուսի գործընկերությամբ և աջակցությամբ իրականացնում է Կամավորության նախաձեռնության ծրագիրը:

Մեր նպատակն է Հայաստանի ողջ տարածքում բարձրացնել քաղաքացիական պատասխանատվության և կամավորական աշխատանքի մասին իրազեկությունը և համայնքների բնակչության ներգրավվածությունը կամավորական համայնքային ծառայության աշխատանքներում:

Ծրագրի իրականացման ընթացքում նախատեսվում են հետևյալ միջոցառումները`

Կամավորական նախաձեռնություն ծրագրի իրականացման համար Հայաստանի 30 համայնքներից կընտրվի 21-ից բարձր տարիքի մինչև 3 մասնակից` ծրագրով նախատեսված միջոցառումներին մասնակցելու և նախաձեռնող դեր կատարելու համար: Մասնավորապես, ընտրված մասնակիցները պետք է անցնեն եռօրյա սեմինար, նախաձեռնեն և առաջնորդեն համայնքային ծառայության միջոցառումներ, իրազեկման քարոզարշավներ, ինչպես նաև կազմակերպեն և անցկացնեն երիտասարդական ճամբարներ և ֆորումներ:

Ծրագրի արդյունքում մասնակիցները հետաքրքիր և օգտակար փորձ ձեռք կբերեն ինչպես համայնքային ծառայության իրականացման, այնպես էլ տարբեր կառույցների, կազմակերպությունների հետ համագործակցություն ձևավորելու և զարգացնելու, երիտասարդներին ուսուցանելու ու համայնքի ներգրավման ոլորտում։

Նշենք, որ մասնակցությունը ծրագրին իրականացվում է կամավոր հիմունքներով, ծրագրային ծախսերը իրականացնում են կազմակերպիչները:

Մանրամասն հայտարարությունը և դիմումի ձև կարող եք բեռնել ստորևէ:

• Հայտարարությունը ամբողջությամբ (.pdf)
• Մասնակցության ձև