Քաղաքացիական զարգացման և համագործակցության հիմնադրամը (ՔԶՀՀ) հրավիրում է Ձեզ մասնակցել "Շահերի պաշտպանության էլեկտրոնային միջոցներ" դասընթացին:

Դասընթացի նկարագիրը
Տվյալ դասընթացը հասցեագրված է բոլոր նրանց, ովքեր ցանկանում են շահերի պաշտպանության (ՇՊ) քարոզարշավների իրականացման ընթացքում կիրառել նոր տեխնոլոգիաներ, մասնավորապես ինտերնետը և էլեկտրոնային հաղորդակցության այլ միջոցները:

Դասընթացում կընդգրկվեն հետևյալ թեմաները.

Դասընթացը վարում է Գայանե Վարդանյանը, որը մի շարք հասարակական կազմակերպություններում աշխատել է որպես շահերի պաշտպանության մասնագետ, ունի քաղաքացիական հասարակության բազմապիսի կառույցներին շահերի պաշտպանության ոլորտում խորհրդատվության ու դասընթացների մատուցման փորձ:

Դասընթացը իրականացվում է ինտերակտիվ մոտեցմամբ` դասավանդման տարբեր մեթոդների համակցությամբ (մտագրոհ, ներկայացում, քննարկումներ):

Դասընթացը հաջողությամբ ավարտած (առնվազն դասընթացի 80%-ին մասնակցած) անձանց կտրամադրվեն մասնակցության հավաստագրեր:

Տևողությունը և վայրը
Դասընթացի տևողությունն է մեկ օր, 6 ժամ: Դասընթացը տեղի կունենա հունիսի 12-ին, ժամը 10.00-17.00, Քաղաքացիական զարգացման և համագործակցության հիմնադրամի (ՔԶՀՀ) գրասենյակում, Ջրաշատի 35 հասցեով:

Մասնակցության արժեքը
Շահերի պաշտպանության ռեսուրս կենտրոնի անդամ կազմակերպությունների համար դասընթացը ԱՆՎՃԱՐ է: Մեկ կազմակերպությունից անվճար կարող են մասնակցել առավելագույնը երկու ներկայացուցիչ:

Մյուս կազմակերպությունների ներկայացուցիչների համար մասնակցության արժեքը մեկ հոգու համար 18300 դրամ է: Գինը ներառում է բաժանվող նյութերը, ճաշի և սուրճի ընդմիջումները:

Ուշադրություն. առաջին հինգ գրանցվողները կստանան 5% զեղչ:
Նույն կազմակերպությունից դասընթացին մեկից ավելի անձանց մասնակցության դեպքում նախատեսված է զեղչ`
10 տոկոսի չափով յուրաքաչյուր հաջորդ մասնակցի համար:

Գրանցման կարգը
Դասընթացին գրանցվելու համար խնդրում ենք լրացնել գրանցման ձևը և ուղարկել էլեկտրոնային փոստով Տաթևիկ Մարգարյանին` tatevik@cdpf.am հասցեով, կամ ներկայացնել ՔԶՀՀ գրասենյակ` Երևան, Ջրաշատ 35 հասցեով մինչև հունիսի 10-ը: