Դասընթացի նկարագիրը

Տվյալ դասընթացը հասցեագրված է ոչ-առևտրային կազմակերպությունների այն ներկայացուցիչներին, ովքեր ցանկանում են ծանոթանալ ոչ-դրամաշնորհային ֆոնդահայթայթման հնարավորություններին, բարելավել իրենց կարողությունները ալտերնատիվ ֆոնդեր հայթայթելու գործում, օգտագործել նոր եղանակներ և մոտեցումներ` տարբեր կազմակերպություններից ու անհատներից միջոցներ հայթայթելու համար:

Դասընթացում կընդգրկվեն հետևյալ թեմաները.

• ոչ-առևտրային կազմակերպությունների ֆինանսավորման աղբյուրներ և տեսակներ
• ֆոնդահայթայթում բիզնեսից
• ֆոնդահայթայթում անհատներից
• կուլտիվացիայի ցիկլ
• հատուկ միջոցառումների կազմակերպում

Դասընթացը կիրականացվի ինտերակտիվ եղանակով, համադրելով ներկայացման, անհատական ու խմբային գործնական աշխատանքների, վարժությունների մեթոդները: Դասընթացը վարում է Տաթևիկ Մարգարյանը, որը քաղաքացիական հասարակության բազմապիսի կառույցներին ֆոնդահայթայթման ոլորտում խորհրդատվության ու դասընթացների մատուցման նշանակալի փորձ ունի:

Դասընթացը հաջողությամբ ավարտած (առնվազն դասընթացի 80%-ին մասնակցած) անձանց կտրամադրվեն մասնակցության հավաստագրեր:

Տևողությունը և վայրը

Դասընթացի տևողությունն է երկու օր, ընդհանուր առմամբ` 10 ժամ: Դասընթացը տեղի կունենա հունիսի 22-23-ին, ժամը 10.00-15.30, Քաղաքացիական զարգացման և համագործակցության հիմնադրամի (ՔԶՀՀ) գրասենյակում, Ջրաշատի 35 հասցեով:

Մասնակցության արժեքը

Շահերի պաշտպանության ռեսուրս կենտրոնի անդամ կազմակերպությունների համար դասընթացը ԱՆՎՃԱՐ է: Մեկ կազմակերպությունից անվճար կարող է մասնակցել մեկ կամ երկու ներկայացուցիչ` կախված գրանցված մասնակիցների ընդհանուր թվից:

Մյուս կազմակերպությունների ներկայացուցիչների համար մասնակցության արժեքը մեկ հոգու համար 26800 դրամ է: Գինը ներառում է բաժանվող նյութերը, ճաշի և սուրճի ընդմիջումները:

Ուշադրություն. առաջին հինգ գրանցվողները կստանան 5% զեղչ: Նույն կազմակերպությունից դասընթացին մեկից ավելի անձանց մասնակցության դեպքում նախատեսված է զեղչ` 10 տոկոսի չափով յուրաքաչյուր հաջորդ մասնակցի համար:

Գրանցման կարգը

Դասընթացին գրանցվելու համար խնդրում ենք լրացնել գրանցման ձևը և ուղարկել էլեկտրոնային փոստով Տաթևիկ Մարգարյանին` tatevik@cdpf.am հասցեով, կամ ներկայացնել ՔԶՀՀ գրասենյակ` Երևան, Ջրաշատ 35 հասցեով մինչև հունիսի 19-ը: