Քաղաքացիական զարգացման և համագործակցության հիմնադրամը (ՔԶՀՀ) Հայաստանում առաջատար ծառայություն մատուցող կազմակերպություններից է` մասնավորապես ոչ առևտրային կազմակերպությունների համար դասընթացների և խորհրդատվությունների տրամադրման ոլորտում: Մեր հաճախորդների շարքում են Հայ Կրթական Հիմնարկությունը, Ջինիշյան հիշատակի հիմնադրամը, ԱՄՆ Խաղաղության կորպուսը, Եկեղեցիների համաշխարհային խորհրդի հայաստանյան կլոր սեղանը, Վորլդ վիժն կազմակերպությունը, Առաքելություն Արևելքը, Օքսֆամ ՄԲ Հայաստանը, ՀՀ փաստաբանների պալատը, Համայնքային երկխոսությունների և նախաձեռնությունների կենտրոնը և այլն:

ՔԶՀՀ-ն հայտարարում է ծառայություն մատուցող անհատների հավաքագրման մրցույթ` կազմակերպության փորձագետների տվյալների բազան համալրելու նպատակով: Այս բազան ընդգրկում է դասընթացավարներ, խորհրդատուներ, ֆասիլիտատորներ, հետազոտողներ և այլ ծառայություն մատուցող անհատներ, որոնք ըստ անհրաժեշտության ներգրավվում են ՔԶՀՀ վճարովի ծառայությունների մատուցման գործընթացում, ինչպես նաև ստանում են մասնագիտական զարգացման հնարավորություններ:

Բոլոր հետաքրքրված անձանց, որոնք ունեն ծառայության մատռւցման անհրաժեշտ որակավորում և փորձ, խնդրում ենք լրացնել կից հայտը (անգլերեն և/կամ հայերեն` ըստ ցանկության) և CV-ի հետ միասին ուղարկել service@cdpf.am հասցեով մինչև ս.թ. օգոստոսի 5-ը: