Civic Development & Partnership Foundation  
Էլ. փոստ 
Գաղտնաբառ  
Գրանցվել 
Աշխատանքի հնարավորություն
Հիմնադրամը փնտրում է նախաձեռնող, նորարար, սոցիալական կայքերում և վիրտուալ աշխարհում ակտիվ և արագ կողմնորոշվող մասնագետ: Անհրաժեշտ է ապահովել հասարակության հետ Հիմնադրամի կապերի ռազմավարության, մարտավարության, հանրային իրազեկման ուղիների մշտական մշակումն ու արդյունավետ իրականացումը, ընթացիկ և ակնկալվող նոր նախաձեռնությունների լուսաբանումը, գովազդային նյութերի մշակումը, և ձևավորումը: ...
ավելին
Կորպորատիվ սոցիալական պատասխանատվություն և բիզնես էթիկա

 Ընդհանուր նկարագիր

Թեպետ չլինելով նորություն աշխարհի զարգացած հատվածում՝ կորպորատիվ սոցիալական պատասխանատվության (ԿՍՊ) և էթիկական առաջնորդության գաղափարներն առաջին քայլերն են անում զարգացող երկրներում լայն տարածում ձեռքբերելու ուղղությամբ, և Հայաստանն այդ առումով բացառություն չէ: Այսօր Հայաստանում սակավաթիվ են այն մարդիկ, որոնք կկարողանան բացատրել, թե ինչ է նշանակում լինել կորպորատիվ լավ քաղաքացի, ինչը բավականին հաճախ շփոթվում է բարեգործությամբ զբաղվելու հետ: Ակնհայտ է, որ առևտրային ցանկացած կառույցի հիմնական նպատակը շահույթի ստացումն ու դրա ծավալների մեծացումն է, սակայն ներկայիս համաշխարհային տենդենցը վկայում է այն մասին, որ միայն դա չէ ընկերությունների գոյության և երկարաժամկետ հաջողության որոշիչ գործոնը: Բիզնես ոլորտի շատ և շատ ներկայացուցիչներ գիտակցում են, որ նրանք չեն գործում մեկուսացման մեջ. շարունակական շփումը տարատեսակ շահագրգիռ կողմերի հետ չափազանց կարևոր է՝ լրջորեն անդրադառնալով շրջակա միջավայրի, բնակչության տնտեսապես խոցելի շերտերի և ընդհանուր առմամբ հասարակության խնդիրներին:

Հետևաբար, վերոնշյալի լույսի ներքո մեծ նշանակություն է ձեռքբերում տեղական ղեկավարների էթիկական գիտակցության և բարեխղճության չափանիշների բարձրացումը, որպեսզի նրանք կարողանան հաջողության հասնել այսօրվա մրցակցային և խստապահանջ կորպորատիվ աշխարհում: Մտապահելով այս հանգամանքը՝ տվյալ դասընթացը նպատակ ունի լսարանին ծանոթացնել կորպորատիվ սոցիալական պատասխանատվության և բիզնես էթիկայի տեսական շրջանակի հետ, անդրադառնալ դրա գործնական կիրառությանն առնչվող հարցերին և ուսումնասիրել օգուտներն ու սահմանափակումները հասարակության համար:

...
ավելին
Լավագույն փորձի հետքերով և ՔՀԿ-ների իրավական միջավայրի գնահատում քննարկումներին մասնակցելու հրավեր

Թրանսփարենսի Ինթերնեշնլ հակակոռուպցիոն կենտրոն ՀԿ-ն Քաղաքացիական զարգացման և համագործակցության հիմնադրամի, Ժուռնալիստների «Ասպարեզ» ակումբի, Հետաքննող լրագրողներ հասարակական կազմակերպության, Բազելի կառավարման ինստիտուտի և Ոչ առևտրային իրավունքի եվրոպական կենտրոնի հետ համատեղ ԱՄՆ ՄԶԳ-ի աջակցությամբ իրականացնում է «Թափանցիկ և հաշվետու կառավարման խթանում` քաղաքացիական հասարակության մասնակցության միջոցով» ծրագիրը:

...
ավելին
Արխիվ

Նորությունները էլ. փոստով
Սկիզբ - Նորություններ English
Իրավական ակտերի ընդունման գործընթացը Հայաստանում

Քաղաքացիական զարգացման և համագործակցության հիմնադրամը հրավիրում է ձեզ մասնակցել

Իրավական ակտերի ընդունման գործընթացը Հայաստանում

սեմինարին

Սեմինարի նկարագիրը

Տվյալ սեմինարը հասցեագրված է տարբեր կազմակերպությունների ղեկավարներին, շահերի պաշտպանության ոլորտում ընդգրկված աշխատակիցներին եւ այն անհատներին, ովքեր ցանկանում են ավելի լավ ծանոթանալ ՀՀ պետական կառավարման համակարգին ու իրավական ակտերի ընդունման գործընթացներին, ինչպես նաեւ այդ գործընթացներում հասարակության մասնակցության հնարավորություններին:

Սեմինարը մասնավորապես կանդրադառնա հետեւյալ թեմաներին`

  • Իրավական ակտերի տեսակները եւ հիերարխիան Հայաստանի Հանրապետությունում,
  • ՀՀ պետական կառավարման համակարգը,
  • Օրենսդրական գործընթացը ՀՀ Ազգային Ժողովում. օրենքների ընդունման ընթացակարգը, ժամկետները, հանրության մասնակցության հնարավորությունները, ԱԺ մշտական հանձնաժողովների դերը, խորհրդարանական լսումներ,
  • ՀՀ Ազգային Ժողովի էլ. կայքի հնարավորությունները և օգտագործման նպատակները,
  • Իրավական ակտերի ընդունումը ՀՀ կառավարությունում, նախարարություններում, Նախագահի աշխատակազմում, Կառավարությանն առընթեր մարմիններում,
  • ՀՀ կառավարության օրենսդրական նախաձեռնությունը, նախագծերի շրջանառության և ընդունման գործընթացը,
  • Իրավական ակտերի մշակման տեխնիկան, իրավական ակտերում փոփոխություններ և լրացումներ կատարելը, իրավական ակտի գործողությունը դադարեցնելը,
  • Իրավական ակտերի պարտադիր պետական իրավական փորձաքննությունը,
  • Նորմատիվ իրավական ակտերի նախագծերին կցվող փաստաթղթերի փաթեթը,
  • Իրավական ակտերի նախագծերի կարգավորման ազդեցության գնահատումը,
  • Հանրային մասնակցությունը ՀՀ կառավարության օրենսդրական գործընթացում. հանրային լսումներ,
  • Իրավական ակտերի հրապարակումը և ուժի մեջ մտնելը,
  • Հայաստանի էլեկտրոնային (ինտերնետային) իրավական տեղեկատվական համակարգը, հնարավորությունները, օգտագործման կարգը:

Սեմինարը կիրականացվի վերոհիշյալ թեմաների ներկայացման, հարցուպատասխանի, քննարկումների միջոցով: Մասնակիցներին կտրամադրվեն նյութեր՝ ներկայացվող թեմաների վերաբերյալ համառոտ բովանդակությամբ:

Սեմինարը վարում են ՀՀ Ազգային ժողովի օրենսդրական գործունեության ապահովման վարչության պետ Թաթուլ Սողոմոնյանը, ՀՀ Ազգային ժողովի պաշտոնական կայքի ծառայությունների ղեկավար Լուսինե Հովհաննիսյանը, և ՀՀ արդարադատության նախարարության օրենսդրության վերլուծության և կատարելագործման վարչության պետ Կարեն Հակոբյանը:

Սեմինարը հաջողությամբ ավարտած (առնվազն 80%-ին մասնակցած) անձանց կտրամադրվեն մասնակցության հավաստագրեր:

Ամսաթիվը և վայրը

Սեմինարը տեղի կունենա ապրիլի 20-21-ին, ժամը 10.00-17.00-ը (ընդհանուր տևողությունը՝ 12 ժամ), Քաղաքացիական զարգացման և համագործակցության հիմնադրամի (ՔԶՀՀ) գրասենյակում, Պռոշյան 11/5 հասցեով:

Սեմինարի արժեքը և գրանցման կարգը

 Սեմինարի արժեքը 32600 դրամ է, առանց ԱԱՀ-ի (39120 դրամ՝ ԱԱՀ-ով), ներառյալ բաժանվող նյութերը, ճաշի և սուրճի ընդմիջումները: Նույն կազմակերպությունից երկու և ավելի անձանց մասնակցության դեպքում կտրամադրվի զեղչ`10% չափով յուրաքանչյուր հաջորդ մասնակցի համար:

Սեմինարին գրանցվելու համար խնդրում ենք լրացնել և ուղարկել գրանցման ձևը training@cdpf.am  հասցեով մինչև ապրիլի 18-ը:

Գնալ վերև  Գնալ վերև | Գնալ դեպի հետ
Արդյո՞ք Հայաստանում Կամավորության մասին օրենքի ընդունման կարիք կա:
 
Այո
Ոչ

Մեր հասցեն՝ 

Հայաստան, Երևան 0025, 

Չարենցի փող., 1 շենք,

2-րդ հարկ, 208 սենյակ

Հեռախոս/Ֆաքս՝ 

 +374 10 576670

Էլ. փոստ՝

 cdpf@cdpf.am

Մեր մասին  |  Ծրագրեր  |  Ծառայություններ  |  Գրադարան  |  Ցուցասրահ  |  Համագործակցություն  |  Հետադարձ կապ  | 
Անդամակիցների տարածք  |  ՔՀԿ համայնք  |  Աջակցեք ՔԶՀՀ առաքելությանը
Copyright © CDPF, 2018
Developed by Smart Systems LLC
 

Սույն կայքը հնարավոր է դառձել իրականացնել Քաունթերփարթ ինթերնեշնլի Քաղաքացիական շահերի պաշտպանության աջակցության ծրագրի և Ամերիկյան Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության No 111-A-00-04-00056-00 համագործակցության պայմանագրի շրջանակներում: Սույն բովանդակությունը, արտահայտված տեսակետերը և կարծիքները պատկանում են Քաղաքացիական զարգացման և համագործակցության հիմնադրամին և հնարավոր է չհամընկնեն Քաունթերփարթ ինթերնեշնլի, ԱՄՆ Միջազգային զարգացման գործակալության կամ ԱՄՆ կառավարության տեսակետերի հետ: