Պաշտոն՝ Տնօրեն
Դրույք՝ Լրիվ
Սկիզբ՝ 2012թ. հուլիսի 1
Վայր՝ Երևան, Հայաստան 

Ընդհանուր նկարագիր

Քաղաքացիական զարգացման և համագործակցության հիմնադրամը (ՔԶՀՀ) աջակցում է Հայաստանում քաղաքացիական հասարակության հետագա առաջընթացին` համագործակցելով և խորհրդատվական, ֆինանսավորման և կարողությունների զարգացման աջակցություն տրամադրելով քաղաքացիական հասարակության կազմակերպություններին, ներառելով ֆորմալ և ոչ-ֆորմալ նախաձեռնություններ:

Ներկայումս ՔԶՀՀ-ն փնտրում է տնօրեն, ով պատասխանատու է լինելու ՔԶՀՀ գործառնական, ռազմավարական և ծրագրային գործունեության վերահսկման, համակարգման և ղեկավարման համար, ներառյալ աշխատակազմի ընդհանուր կառավարումը և վերահսկումը, ֆինանսական կառավարումը, ՔԶՀՀ արտաքին և ներքին հաղորդակցությունը, ֆոնդահայթայթումը, հանրային կապերը և մարքեթինգը:

Հիմնական պարտականություններ

• Համակարգել ՔԶՀՀ ռազմավարական, տարեկան և  կազմակերպության առաքելությունից բխող այլ պլանների մշակումը և վերահսկել դրանց իրականացումը:
• Պրոակտիվ կերպով ներկայացնել ՔԶՀՀ-ն միջազգային, պետական և տեղական մարմինների հետ հարաբերություններում` խթանելով կազմակերպության համագործակցությունը և ծառայությունները:
• Համակարգել ՔԶՀՀ ֆինանսական պլանավորման, վերլուծության և հաշվետվողականության համակարգերի մշակումը և վերահսկել դրանց իրականացումը, և կատարել ֆինանսական կառավարման անհրաժեշտ գործառույթները:
• Անհրաժեշտ աջակցություն տրամադրել աշխատակազմին՝ կազմակերպության տարեկան պլաններում սահմանված թիրախներին հասնելու համար:
• Մշակել և համակարգել ՔԶՀՀ հանրային կապերի և մարքեթինգի գործունեությունը, ըստ անհրաժեշտության:
• Առաջնորդել, ղեկավարել և վերահսկել ֆոնդահայթայթման գործառույթները:
• Ըստ  անհրաժեշտության ղեկավարել ՔԶՀՀ-ի որոշ ծրագրեր:
• Ըստ անհրաժեշտության որոշակի ծառայություններ մատուցել ՔԶՀՀ հաճախորդներին:

Պահանջվող որակավորումներ

• Բարձրագույն կրթություն քաղաքագիտության, հանրային ղեկավարման, բիզնես ղեկավարման կամ ներկայացված պարտականություններին համապատասխան այլ ոլորտում:
• Առնվազն 5 տարվա աշխատանքային փորձ, որից առնվազն 2 տարին՝ ղեկավար պաշտոնում, մասնավորապես քաղաքացիական հասարակության սեկտորի զարգացման ոլորտում:
• Հայաստանի քաղաքացիական հասարակության սեկտորի իմացություն:
• Միջազգային կազմակերպությունում աշխատանքի փորձը և հիմնական դրամաշնորհատուների կարգերի և ընթացակարգերի իմացությունն առավելություն է:
• Գերազանց կազմակերպչական կարողություններ՝ պլանավորելու, առաջադրանքներ հանձնարարելու, աշխատակազմը ղեկավարելու ունակություններ:
• Գերազանց միջանձնային ունակություններ, այդ թվում համբերատարություն, դիվանագիտական, գործընկերներին լսելու և նրանց կարծիքը հարգելու պատրաստակամություն:
• Հայերենի և անգլերենի գրավոր և բանավոր գերազանց իմացություն; ռուսերենի իմացությունը շատ ցանկալի է:
• Համապատասխան համակարգչային հմտություններ:
• Հիմնական պարտականություններին անհրաժեշտ ժամանակ տրամադրելու հնարավորություն:
• Անհատական և թիմային աշխատանքի պատրաստակամություն և կարողություն:
• Լրացուցիչ պարտականությունների ու արտաժամյա աշխատանքի իրականացման պատրաստակամություն:
• Երկրում և երկրից դուրս ճանապարհորդելու հնարավորություն:
• Ճնշման տակ աշխատելու կարողություն:

Դիմելու կարգը

Հետաքրքրված և համապատասխան որակավորում ունեցող անձանց խնդրում ենք ուղարկել ինքնակենսագրականը (CV/Resume) և հետաքրքրության նամակը, ինչպես նաև քաղաքացիական հասարակությանն առչվող որևէ հարցի վերաբերյալ գրառման նմուշ  cdpf@cdpf.am և david@cdpf.am էլեկտրոնային հասցեով՝ նամակի "առարկա" (subject) տողում նշելով այն պաշտոնը, որի համար դիմում եք։ Միայն նախնական ընտրությունը անցած թեկնածուները կտեղեկացվեն մրցույթի արդյունքների վերաբերյալ: 

 Դիմումների ընդունման վերջնաժամկետն է 2012թ. հունիսի 18-ը, ժ. 15:00։