Սույն հետազոտությունը կիրականացվի Կրոնական հանդուրժողականության խրախուսումը Հայաստանում ծրագրի շրջանակներում։ Ծրագրի նպատակն է հետազոտության և մամուլում կրոնի վերաբերյալ բազմակողմանի հանրային քննարկումների միջոցով խթանել կրոնական հանդուրժողականությունը Հայաստանում և բարելավել հանրության մոտեցումները տարբեր կրոնների նկատմամբ։ Ծրագիրն իրականացվում է Նիդերլանդների Թագավորության դեսպանության աջակցությամբ։ Հետազոտության հավանական հարցերն են (սահմանափակված չեն)՝

• Ի՞նչ է կրոնական հանդուրժողականությունը. սահմանումն ու ընկալումը միջազգային և տեղական պրակտիկայում (ներածություն):
• Ինչպե՞ս են կապված կրոնական հանդուրժողականությունն ու հանդուրժողականությունն ընդհանրապես միջազգային և տեղական պրակտիկայում (ներածություն):
• Որո՞նք են տարբեր կրոնական դավանանքների վերաբերյալ հայ հասարակությունում առկա ընդհանուր կարծրատիպերը և ընկալումները:
• Կան արդյո՞ք տարբերություններ ավանդական (Հայ Առաքելական Եկեղեցի, հայ կաթոլիկներ, հայ բողոքականներ) և նոր կրոնական դավանանքների վերաբերյալ ընկալումների և կարծրատիպների միջև:
• Որո՞նք են այլ կրոնների վերաբերյալ կարծրատիպերը և ենթադրությունները (իսլամ, հուդայականություն և բուդդայականություն):
• Որո՞նք են աշխարհիկության հանրային ընկալումները (պետության և եկեղեցու տարանջատում):
• Որո՞նք են հանրային ընկալումները աստվածամերժության վերաբերյալ:
• Որո՞նք են կրոնի և կրոնական ազատության ընկալումները մարդու իրավունքների համատեքստում:
• Ինչպե՞ս/ի՞նչ ճանապարհներով են այդ կարծրատիպերը ստեղծվում և տարածվում:

 *Աշխատանքը պետք է հանդիսանա հետազոտության, խորքային հարցազրույցների և ֆոկուսային խմբերի, առանձին դեպքերի ուսումնասիրության, ինչպես նաև այլ հետազոտական մեթոդների աբողջություն։

Դիմումների ներկայացման վերջնաժամկետը 2012թ. հուլիսի 9–ն է, ժամը 17։00 (GMT +4)։ Դիմումները պետք է ուղարկել Ծրագրի ղեկավարներ Միքայել Հովհաննիսյանին (mhovhannisyan@epfound.am ) և Իզաբելլա Սարգսյանին (isargsyan@epfound.am)։

Միայն ընտրված դիմորդները կհրավիրվեն հարցազրույցի։

Ծրագրի մասին առավել մանրամասներին ծանոթացեք հետևյալ հղումով՝ http://www.epfound.am/armenian/noroutyounnyer/haytararoutyounnyer/haytyeri-hravyer-kronakan-handourjhoghakanoutyan-khrakhousoum%C9%99-hayastanoum.html