Civic Development & Partnership Foundation  
Էլ. փոստ 
Գաղտնաբառ  
Գրանցվել 
Աշխատանքի հնարավորություն
Հիմնադրամը փնտրում է նախաձեռնող, նորարար, սոցիալական կայքերում և վիրտուալ աշխարհում ակտիվ և արագ կողմնորոշվող մասնագետ: Անհրաժեշտ է ապահովել հասարակության հետ Հիմնադրամի կապերի ռազմավարության, մարտավարության, հանրային իրազեկման ուղիների մշտական մշակումն ու արդյունավետ իրականացումը, ընթացիկ և ակնկալվող նոր նախաձեռնությունների լուսաբանումը, գովազդային նյութերի մշակումը, և ձևավորումը: ...
ավելին
Կորպորատիվ սոցիալական պատասխանատվություն և բիզնես էթիկա

 Ընդհանուր նկարագիր

Թեպետ չլինելով նորություն աշխարհի զարգացած հատվածում՝ կորպորատիվ սոցիալական պատասխանատվության (ԿՍՊ) և էթիկական առաջնորդության գաղափարներն առաջին քայլերն են անում զարգացող երկրներում լայն տարածում ձեռքբերելու ուղղությամբ, և Հայաստանն այդ առումով բացառություն չէ: Այսօր Հայաստանում սակավաթիվ են այն մարդիկ, որոնք կկարողանան բացատրել, թե ինչ է նշանակում լինել կորպորատիվ լավ քաղաքացի, ինչը բավականին հաճախ շփոթվում է բարեգործությամբ զբաղվելու հետ: Ակնհայտ է, որ առևտրային ցանկացած կառույցի հիմնական նպատակը շահույթի ստացումն ու դրա ծավալների մեծացումն է, սակայն ներկայիս համաշխարհային տենդենցը վկայում է այն մասին, որ միայն դա չէ ընկերությունների գոյության և երկարաժամկետ հաջողության որոշիչ գործոնը: Բիզնես ոլորտի շատ և շատ ներկայացուցիչներ գիտակցում են, որ նրանք չեն գործում մեկուսացման մեջ. շարունակական շփումը տարատեսակ շահագրգիռ կողմերի հետ չափազանց կարևոր է՝ լրջորեն անդրադառնալով շրջակա միջավայրի, բնակչության տնտեսապես խոցելի շերտերի և ընդհանուր առմամբ հասարակության խնդիրներին:

Հետևաբար, վերոնշյալի լույսի ներքո մեծ նշանակություն է ձեռքբերում տեղական ղեկավարների էթիկական գիտակցության և բարեխղճության չափանիշների բարձրացումը, որպեսզի նրանք կարողանան հաջողության հասնել այսօրվա մրցակցային և խստապահանջ կորպորատիվ աշխարհում: Մտապահելով այս հանգամանքը՝ տվյալ դասընթացը նպատակ ունի լսարանին ծանոթացնել կորպորատիվ սոցիալական պատասխանատվության և բիզնես էթիկայի տեսական շրջանակի հետ, անդրադառնալ դրա գործնական կիրառությանն առնչվող հարցերին և ուսումնասիրել օգուտներն ու սահմանափակումները հասարակության համար:

...
ավելին
Լավագույն փորձի հետքերով և ՔՀԿ-ների իրավական միջավայրի գնահատում քննարկումներին մասնակցելու հրավեր

Թրանսփարենսի Ինթերնեշնլ հակակոռուպցիոն կենտրոն ՀԿ-ն Քաղաքացիական զարգացման և համագործակցության հիմնադրամի, Ժուռնալիստների «Ասպարեզ» ակումբի, Հետաքննող լրագրողներ հասարակական կազմակերպության, Բազելի կառավարման ինստիտուտի և Ոչ առևտրային իրավունքի եվրոպական կենտրոնի հետ համատեղ ԱՄՆ ՄԶԳ-ի աջակցությամբ իրականացնում է «Թափանցիկ և հաշվետու կառավարման խթանում` քաղաքացիական հասարակության մասնակցության միջոցով» ծրագիրը:

...
ավելին
Արխիվ

Նորությունները էլ. փոստով
Սկիզբ - Նորություններ English
''Ռազմավարական կառավարում և առաջնորդություն'' դասընթաց

Քաղաքացիական զարգացման և համագործակցության հիմնադրամը

հրավիրում է ձեզ մասնակցել

Ռազմավարական կառավարում և առաջնորդություն թեմայով

Դասընթացին

Ընդհանուր նկարագիր

Հետևյալ դասընթացը կառուցված է ռաջնորդության և կառավարման հիմնական տարբերությունների, առանձնահատկությունների վրա: Փորձը ցույց տվեց, որ մարտավարական մոտեցմամբ առաջնորդվելը բավարար չէ, որպեսզի ապահովվի զարգացում ասվածը: Խնդիրը կայանում է նրանում, որ եթե կազմակերպությունը ուզում է ապահովել կայուն, դանդաղ աճող, բայց երկարատև ֆինանսական եկամուտ, ապա ինչպե՞ս անել, որպեսզի այդ ամենը լինի կազմակերպված, համակարգված և քիչ ռիսկային: Այս հարցի պատասխանը կստանաք դասընթացին մասնակցելու դեպքում:

Տվյալ դասընթացը հասցեագրված է կազմակերպությունների ղեկավարներին և բոլոր հետաքրքրված անհատներին, որոնք ցանկանում են բարելավել իրենց գիտելիքները և հմտությունները ռազմավարական կառավարման և առաջնորդության բնագավառում, ձեռք բերել հմտություններ աշխատանքը արդյունավետ իրականացնելու համար:

Դասընթացի արդյունքում մասնակիցները.

  • համապարփակ և ամբողջական ձևով կծանոթանան կազմակերպությունների զարգացման ու կառավարման գործընթացներին,
  • ընդհանուր կոնտեքստում կուսումնասիրեն կազմակերպությունների զարգացման փուլերն ու մարտահրավերները,
  • կոնկրետ դեպքերի վրա հիմնվելով՝ կքննարկեն ՀՀ և արտասահմանյան տարբեր կազմակերպությունների զարգացման առանձնահատկությունները:

Դասընթացի թեմաները և մեթոդիկան

Դասընթացում կընդգրկվեն հետևյալ թեմաները.

  • Գործունեության գնահատական
  • Առաքելության և տեսլական
  • Արժեքներ և սկզբունքներ
  • Ինստիտուցիոնալ զարգացման գերակայություններ (SWOT վերլուծություն)
  • Կազմակերպական կառուցվածք
  • Ռազմավարական ուղղություններ, նպատակներ և խնդիրներ (STEP վերլուծություն) և ծրագրեր
  • Շահագրգիռ կողմերի վերլուծություն
  • Գերակայությունների չափման պլան (ազդեցություն, հրատապություն, ռիսկեր)
  • Գործողությունների չափման պլան և Գանտի աղյուսակ
  • Ռիսկերի գնահատում

Դասընթացը իրականացվելու է ինտերակտիվ մեթոդներով, պրակտիկ առաջադրանքների, վարժությունների, խմբային աշխատանքի միջոցով: Նախատեսվում են բաժանվող նյութեր՝ դասընթացի թեմաների բովանդակությամբ:

Դասընթացը կվարի Կարեն Հ. Սարգսյանը (PhD), ով հանդիսանում է CMCE (Certificate in Management Consulting Essentials Program) հավաստագրված կառավարման խորհրդատվության հիմքեր` IC (Institute of Consulting UK) կողմից, Trigon (Austrian-Germany) Consulting հայտնի ընկերության ''Կազմակերպությունների զարգացում'' երկամյա հեռաուսուցման մասնակից և ապագա փորձագետ, ինչպես նաև գործառնական փորձառություն ունեցող շահերի պաշտպանության մասնագետ և բիզնես խորհրդատու:

Դասընթացի մասնակցիներին կտրամադրվեն  մասնակցության հավաստագրեր:

Տևողությունը և վայրը

Դասընթացի տևողությունը 8 ժամ է. այն տեղի կունենա Մարտի 13-ին և 14-ին, ժամը 11.00-16.00, Քաղաքացիական զարգացման և համագործակցության հիմնադրամի (ՔԶՀՀ) գրասենյակում, Պռոշյան 11/5 հասցեով:

Դասընթացի արժեքը և գրանցման կարգը

Դասընթացի արժեքը 30000 դրամ է՝ ներառյալ բաժանվող նյութերը, ճաշի և սուրճի ընդմիջումները: Նույն կազմակերպությունից երկու և ավելի անձանց մասնակցության դեպքում կտրամադրվի զեղչ`10% չափով յուրաքանչյուր հաջորդ մասնակցի համար:

Դասընթացին գրանցվելու համար խնդրում ենք լրացնել և ուղարկել գրանցման ձևը training@cdpf.am հասցեով  մինչև Մարտի 11-ը:

Գնալ վերև  Գնալ վերև | Գնալ դեպի հետ
Արդյո՞ք Հայաստանում Կամավորության մասին օրենքի ընդունման կարիք կա:
 
Այո
Ոչ

Մեր հասցեն՝ 

Հայաստան, Երևան 0025, 

Չարենցի փող., 1 շենք,

2-րդ հարկ, 208 սենյակ

Հեռախոս/Ֆաքս՝ 

 +374 10 576670

Էլ. փոստ՝

 cdpf@cdpf.am

Մեր մասին  |  Ծրագրեր  |  Ծառայություններ  |  Գրադարան  |  Ցուցասրահ  |  Համագործակցություն  |  Հետադարձ կապ  | 
Անդամակիցների տարածք  |  ՔՀԿ համայնք  |  Աջակցեք ՔԶՀՀ առաքելությանը
Copyright © CDPF, 2018
Developed by Smart Systems LLC
 

Սույն կայքը հնարավոր է դառձել իրականացնել Քաունթերփարթ ինթերնեշնլի Քաղաքացիական շահերի պաշտպանության աջակցության ծրագրի և Ամերիկյան Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության No 111-A-00-04-00056-00 համագործակցության պայմանագրի շրջանակներում: Սույն բովանդակությունը, արտահայտված տեսակետերը և կարծիքները պատկանում են Քաղաքացիական զարգացման և համագործակցության հիմնադրամին և հնարավոր է չհամընկնեն Քաունթերփարթ ինթերնեշնլի, ԱՄՆ Միջազգային զարգացման գործակալության կամ ԱՄՆ կառավարության տեսակետերի հետ: