| Դասընթացի նկարագիրը
Տվյալ դասընթացը հասցեագրված է այն կազմակերպություններին և անհատներին, որոնք ցանկանում են բարելավել եւ զարգացնել ծրագրի տրամաբանական կառուցվածքի մշակման իրենց հմտությունները:
Դասընթացը մասնավորապես կանդրադառնա հետևյալ թեմաներին. - Տրամաբանական կառուցվածքի` որպես պլանավորման, իրականացման և մոնիտորինգի գործիքի կիրառումը,
- Տրամաբանական կառուցվածքում նպատակի, արդյունքների և միջոցների ձևակերպումը,
- Ցուցանիշների և թիրախների սահմանում,
- Ստուգման մեթոդների տեսակներ և սահմանման մոտեցումներ:
Նախատեսվում են բաժանվող նյութեր դասընթացի թեմաների համառոտ բովանդակությամբ, քննարկվող նյութերի կոնկրետ օրինակներ, տրամաբանական կառուցվածքի մշակման քայլերի շուրջ պրակտիկ առաջադրանքների կատարում, խմբային քննարկումներ և այլն:
Դասընթացը կվարեն ՔԶՀՀ տնօրեն Ժիրայր Էդիլյանն ու Մոնիտորինգի և գնահատման մասնագետ Դիանա Տեր-Ստեփանյանը, ովքեր ինչպես անմիջական տրամաբանական կառուցվածքների մշակման, այնպես էլ այդ ոլորտում տարբեր կազմակերպություններին խորհրդատվությունների տրամադրման բազմամյա փորձ ունեն:
Դասընթացը հաջողությամբ ավարտած (առնվազն դասընթացի 80%-ին մասնակցած) անձանց կտրամադրվեն մասնակցության հավաստագրեր:
Տևողությունը և վայրը
Դասընթացի տևողությունն է մեկ ու կես օր` հունվարի 26-ին, ժամը 10.00-17.00, և հունվարի 27-ին, ժ. 10.00-14.00: Դասընթացը տեղի կունենա Քաղաքացիական զարգացման և համագործակցության հիմնադրամի (ՔԶՀՀ) գրասենյակում, Ջրաշատի 35 հասցեով:
Մասնակցության կարգը և արժեքը
Դասընթացի մասնակցության արժեքն է մեկ հոգու համար 25300 դրամ առանց ԱԱՀ-ի (30360 դրամ` ներառյալ ԱԱՀ): Գինը ներառում է բաժանվող նյութերը, սուրճի և ճաշի ընդմիջումները:
Նույն կազմակերպությունից մեկից ավելի անձանց մասնակցության դեպքում նախատեսված է զեղչ` 10 տոկոսի չափով յուրաքաչյուր հաջորդ մասնակցի համար:
Գրանցվելու համար խնդրում ենք լրացնել կցված գրանցման ձևը և ներկայացնել ՔԶՀՀ գրասենյակ` վերը նշված հասցեով, կամ ուղարկել ֆաքսով կամ էլ. փոստով` tatevik@cdpf.am հասցեով մինչև հունվարի 22-ը: Հարցերի դեպքում դիմեք ՔԶՀՀ կազմակերպական զարգացման և դասընթացների մասնագետ Տաթևիկ Մարգարյանին:
Նշում. դասընթացին գրանցվելուց հետո մասնակիցներին կներկայացվի հաշիվ-ապրանքագիր, ըստ որի վճարումը պետք է կատարվի դասընթացից հետո հինգ օրվա ընթացքում: Դասընթացի մասնակցությունից հրաժարվելու դեպքում այդ մասին ՔԶՀՀ-ին առնվազն մեկ օր առաջ տեղեկացնելու դեպքում մասնակցության վճար չի գանձվում: |
